المطبخ الجزائري: مطبخ رمضان: قراتان بطاطا مرحية بالدجاج

المطبخ الجزائري
وصفات طبخ جزائرية
المطبخ الرمضاني
Cuisine Algérienne
Recettes Algériennes
 طريقة التحضير:
تغلي البطاطا في ماء مالح ثم ترحيها.
تحضري بيشمال بالطريقة المعتادة: (ملعقة زبدة+ ملعقة فرينة + كاس حليب+ ملح + جوزة الطيب+ جبن)
ثم ضعي البيشمال للبطاطا المرحية وخلطيها.
بالمقابل وجدي صلصة طماطم مكونة من ملعقة زبدة ،ثوم ،طماطم، ملح وفلفل أسود، حطيها على النار مع قليلا من الماء 10 دقائق ثم ضعي لها حبة فلفل حلو مشوي ومقطع رقيق وضعيها جانبا.
حضري الدجاج: في مقلاة حطي ملعقة زبدة ثم حبة بصل مرحية و2 سنينات ثوم خليها تتقلى شوية ثم ضعي صدر دجاج مقطع مربعات وقلبيه مليح حطيلو ملح فلفل أسود وخليه حتى يطيب.
في صحن الفرن حطي صلصة الطماطم ثم الدجاج، وغطي الكل بالبطاطا مرحية المخلطة بالبيشمال، زيني السطح بحبة طرشي مشوية ومقطعة طوليا، وحطي قطع من الزبدة على السطح .


ادخلي الصحن للفرن المسخن مسبقا مدة 20 دقيقة ولما تخرجيها ذرذري على السطح جبن مبشور وخليه يذوب . ثم كوليها بالصحة والهنا.وهذه صورها


وهذا الصحن نقدمو لصاحبة أول رد