وصفة تورتة التوست للأطفال

المقادير :

عيش توست

باكيت كريم كراميل الجاهز

حليب

سكر

قشطة

مكسرات


الطريقة بئى :

بتجيبي العيش التوست وتشيلي الحروف البني وترصيه في صنية بحيث ما تسيبيش اي مسافات فاضية بين التوست وبعضه

في حلة بئى على النار بتسكري الحليب وتسيبيه يغلي وبعدين تضيف البودرة بتاعت الكريم كراميل وتقلبي كويس ( يعني من الاخر تعملي الكريم كراميل )

بعدين يا ستي تشيليه من على النار وتصيبيه على طول وهو سخن مولع على التوست اللي في الصنية

طبعا كمية الكريم كراميل لازم تبئى مناسبة لحجم الصنية بحيث يتشرب التوست كله بالكريم كراميل

تحطي الصنية في التلاجة شوية لحد ما تسقع والكريم كرامل يمسك

بعدين تطلعي الصنية وتفردي على وشها القشطة

وترشي على الوش المكسرات اللي انتي عايزاها