مربى التفاح

السلام عليكم ورحمة الله وبركاته
اختي فتكات احب النهارده اقدم ليكي طريقه جديده وهي عمل مربى بالتفاح اللي دلوقتي في الاسواق بكثره وثمنه قليل وغير مكلف وعلي فكره ده مغذى جدا للاولاد وطبيعي لانه ليس عليه اى مواد حافظه ولا الوان صناعيه مضره وطعمه فعلا عجبهم جدا .
المقادير:
كيلو ونصف تفاح
كيلو سكر او حسب الرغبه لو كنتي بتحبي المربي سكرها زياده شويه يبقي كيلو ونصف سكر
عصير ليمونه متوسطه
معلقه شاى صغيره قرفه

الطريقه :
يغسل التفاح جيدا
يبشر بالمبشره ويوضع في إناء لمده ساعه علي رف الثلاجه بعد إضافه السكر له
يخرج من الثلاجه ونضعه علي النار الهادئه وعليه عصير الليمونه لغايه ما يتم نضجه
عندما يتم النضج ونعرفه ازاى ح يكون السكر فيه بقي زى شربات الكنافه كده
بعدها نضع معلقه القرفه ويقلب لمده ثلاثه دقائق ويترك حتي يبرد خارج الثلاجه
بعد كده يعبأ في برطمانات ونضعه داخل الثلاجه وبالهنا والشفا
اذا عجبتك طريقتي دى قوليها لصديقاتك وحبايبك