سندويش شرقي من المطبخ الجزائري

المقادير والطريقه

تقطعي فلفل رومي مثل ماتحبي
وممكن تقطعي بصل معاه وتكشني
وتضيفي ماجي


تكوني مقطعه الدجاج حاطه عليه ملعقه سماق

اضيفي الدجاج على الفلفل بعد ما يذبل شوي

اضيفي ملقعه صلصله واي بهارات انتي تحبيها

وقلبي الى ان ينضج الدجاج ..

وبعدين اضيفي الصوص الرائع



الصوص مقاديره مثل الصوره
خردل وجبنه سائله ومايونيز

ملقعه من كل واحد او ملعقتين مثل ماتحبي وممكن تلغي اللي ما تحبيه منهم ..

وقلبيه مع الدجاج تمااااااام .. وبكذا تكون الحشوه جاهزة ..

بس انا اهلي يحبون الجبنه مررره مررررره فاضفت ثلاث شرائح جبنه للحشوه

وانتي براحتك اذا حابتها او لا


لا تخلي الدجاج نااشف مرره حلاته يكون بالصوص

واحشي الصامولي

واضيفي اللي تبين شطه ..كاتشاب .. مايونيز براحتك



اللي بالصامولي ..

اما التوست حشيته تونه ومايونيز بالطريقه المعتاده ..

الطريقه الثانيه

هذي عجبيه جدا واحنا نسميها بالبيت كودو

لانها من جد رووعه واللي يذوقها لازم يطلب طريقتها

المقادير والطريقه


نكشن مثل قبل فلفل رومي وبصل مع ماجي

الين يذبل شوي

وبعدين نضيف الدجاج المقطع مربعات


ونكشن الين يصير لون الدجاج ابيض

ونضيف عليه ثلاث ملاعق من صوص ماجي للمشويات

هذي صورته



انا احب اكثر منه يعطي طعم رهيب للساندوتشات ..

ضيفي ملعقه بهارات .. اذا حابه

بس لاتضيفي ملح لانك راح تضيفي جبنه .




هالمره ما كثرت جبنه لان ماكان عندي الا هذي

وقلبي الجبن الين يذوب

واحشي الصامولي وقدميه مع البطاطس المقلي



ومع صوص الثوم

ياعيني على الطعم الرائع


طريقة الثوميه





بطاطس متوسطه مسلوقه

3 فصوص ثوم

3 ملاعق مايونيز

علبة زبادي

ملح ليمون او عصير ليمونه

ملح

واضربيهم كلهم بالخلاط